Kitabın xüsusiyyətləri

Təsvir

Məşhur Azərbaycan yazıçısı Salam Qədirzadənin qələmə aldığı “Qış gecəsi” romanı İkinci Dünya Müharibəsindən sonrakı illərin ictimai ab-havasında gənclərin həyatını, sevgisini və daxili mübarizəsini ustalıqla təsvir edir. Romanın baş qəhrəmanı Adil gələcəyin hüquqşünası, hamının “Tarçalan oğlan” ləqəbi ilə tanıdığı gəncdir. Kitabda onun ailədaxili münasibətlərdə yaşadığı çətinliklər, Ceyran adlı rəssam qıza olan ülvi və nakam məhəbbətindən bəhs olunur. Salam Qədirzadə bu əsərdə öz yaradıcılıq ənənəsinə sadiq qalaraq hadisələri kəskin dramatizm, dərin psixoloji təhlil və canlı təsvirlərlə qələmə alıb. XX əsrin ikinci yarısında gənclərin ən sevimli əsərlərindən biri olan bu roman özünəməxsusluğu, həyəcanlı süjeti və kövrək duyğuları ilə seçilir.