Kitabın xüsusiyyətləri

Təsvir

Sovet Azərbaycanı ədəbiyyatının ən çox oxunan və sevilən müəlliflərindən biri Salam Qədirzadənin “46 bənövşə” romanı maraqlı və unikal yaranış tarixçəsi ilə diqqəti cəlb edir. Bir gün yazıçının çalışdığı redaksiyaya Mənzərə adlı xanım gəlir və yazıçının qarşısına iki dəftər qoyur. Bu dəftərlər əkiz bacısı Könülün gündəlikləridir. Könül yazıçı olmaq arzusu ilə həyatını, sevgisini, iztirablarını, gəncliyin şirin və acı anlarını səmimi sözlərlə kağıza köçürüb. Mənzərə sadəcə oxuyub fikir bildirməyini xahiş edir. Beləliklə, bir qadının taleyi, arzuları və daxili dünyası bənövşəli dəftərlərin səhifələrində həyata qədəm qoyur. Roman sovet illərinin gəncliyi, sevgisi, əyləncələri, məşğuliyyətləri, mənəvi axtarışları və iztirablarını çox səmimi, şirin və təsirli dillə təsvir edir. Hadisələrin əlvanlığı, duyğuların təravəti və personajların daxili aləmi oxucunu öz gəncliyinə, o dövrün ab-havasına qaytarır. Kitabda həmçinin Salam Qədirzadənin “Ülkər-Aytəkin” hekayəsi də yer alıb. Bu hekayədə saf məhəbbətin qiyməti, əhdinə sadiq qalmağın vacibliyi təsvir olunur.