Kitabın xüsusiyyətləri

Təsvir

Yusif Vəzir Çəmənzəminlinin “Qızlar bulağı” romanı müəllifin yaradıcılığında xüsusi yer tutan əsərlərindən biridir. “Nağıl içində nağıl” motivini ustalıqla işlədən əsər qəhrəman Çoponun həyatının üç fərqli dövrünü əhatə edir. Çopo ömrü boyu sanki dönüb-dolaşıb “Qızlar bulağı” ətrafında fırlanır. Bu bulaq təkcə su mənbəyi yox, azadlığın, təbiətin, qədim adət-ənənələrin və milli kimliyin simvoludur. Qəhrəmanın mühafizəkar qaydalarla ziddiyyət təşkil edən azad ruhu, sevgisi və axtarışları oxucunu qədim İran qəbilələrinin həyatına, atəşpərəstlik dövrünün mənəvi-əxlaqi dünyasına aparır. Roman dinlər, xalqların taleyi və insan təbiəti haqqında dərin fəlsəfi düşüncələrlə zəngindir. Yusif Vəzir Çəmənzəminlinin repressiya qurbanı olmasının əsas səbəblərindən biri sayılan bu əsər bu gün də öz aktuallığını qoruyur.