Kitabın xüsusiyyətləri

Təsvir

Həsən Seyidbəylinin “Cəbhədən cəbhəyə” romanı Azərbaycan detektiv ədəbiyyatının ən önəmli əsərlərindən biridir. Kitab müharibənin ağır sınaqlarından çıxıb vətənə qayıdan, dinc həyat yaşamaq arzusunda olan Teymurdan bəhs edir. Lakin doğma torpağa çatan kimi qarşılaşdığı gözlənilməz hadisələr ona göstərir ki, mübarizə hələ bitməyib. Bu dəfə düşmən açıq döyüş meydanında yox, qaranlıqda, hiylə və məkr içində gizlənib. Gənc milis işçisi illərdir, izini sürdüyü cinayətkar dəstəni ifşa etmək istəyir. Bəs quldurların arasında dəyər verdiyi adamlar da yer alırsa, onda necə? Bu vəziyyətdə o hansı qərarı verəcək?