Ömər Faiq Nemanzadə

Ömər Faiq Nemanzadə 1872-ci ilin 24 dekabrında Axalsıx qəzasının Azğur kəndində anadan olub. 1937-ci il repressiyasının qurbanlarından biri kimi həmin ilin 10 oktyabrında Gürcüstanın paytaxtı Tbilisidə “üçlüy”ün qərarı ilə güllələnib. Azərbaycan ədibi, ictimai-siyasi xadimi, publisisti, pedaqoqu, “Qeyrət” mətbəəsinin sahibi və “Molla Nəsrəddin” jurnalının həmtəsisçisi olub. İlk kitabı olan “Nəşri-asarə dəvət” kitabı 1905-ci ildə işıq üzü görüb. “Şərqi-Rus”, “Molla Nəsrəddin”, “Açıq söz”, “Tərəqqi”, “İrşad”, “Həyat” kimi mətbu orqanlarda ardıcıl çıxış edib, publisistik yazıları ilə dövrünün ən kəskin qələm sahiblərindən birinə çevrilib. “XAN Nəşriyyatı”nda “Xatirələrim” əsəri işıq üzü görüb.