Kitabın xüsusiyyətləri

Təsvir

Çingiz Dağcının “Yurdunu itirən adam” romanı müharibə və vətən həsrəti mövzularını bədii dillə təsvir edən təsirli romanlardan biridir. Kitabın baş qəhrəmanı Sadıq Turan həyatının ən taleyüklü seçimlərindən biri ilə üz-üzə qalır. O, vətəni Türküstanı bolşevik ordusundan azad etmək ümidi ilə Almaniya silahlı bölmələrinə qoşulur, hərbi təlimlər keçir və zabit rütbəsinədək yüksəlir. Onun üçün ən müqəddəs məfhum vətəni Türküstandır. Amma İkinci Dünya Müharibəsinin amansız reallığı göstərir ki, dünya siyasətində böyük güclərin qarşıdurması fonunda kiçik xalqların taleyi çox vaxt kölgədə qalır. Müharibənin gətirdiyi faciələr Sadıq Turanın həyatında dərin izlər buraxır. Ata-anasının, qardaşı Bəkirin və cəbhədə çiyin-çiyinə vuruşduğu əsgər yoldaşlarının taleyi ona bir həqiqəti daha aydın göstərir: insan həyatından qiymətli heç nə yoxdur. Bütün bu sınaqlar fonunda onun həyatında mühüm yer tutan Mariya qəhrəmanın taleyində hansı rola sahibdir? Sadıq Turanı yaşamağa səsləyən daha hansı dəyərlər var?