Kitabın xüsusiyyətləri

Təsvir

Şəmil Sadiq və Müşfiq XANın birgə qələmə aldığı “Ümidlərin izi ilə” romanı tarixi sənədlər, şahid xatirələri və MTN arxivlərinin materiallarına əsasən yazılıb. Bu əsər Xocalı soyqırımı faciəsinin qaranlıq kölgəsi altında iki gənc tələbənin – Aytəkin və Ramilin nakam məhəbbət hekayəsindən bəhs edir. Bir tərəfdə Xocalıda girov düşərək Fransaya qədər aparılan Aytəkinin dəhşətli günlərini əks etdirən “Girov qadının xatirələri”... Digər tərəfdə isə 20 il boyu keçmiş sevgilisinin xatirəsi ilə yaşayan eks-kəşfiyyatçı Ramilin daxili mübarizəsi... İki paralel süjet xətti ilə inkişaf edən roman Azərbaycanın gizli əməliyyatlarının gərginliyini, erməni siyasi terrorunun izlərini və “Böyük Ermənistan” planının məxfi sirlərini açır. Ürək ağrıları ilə yazılmış bu kitabı oxuduqca itirilmiş məhəbbətin dərin yarasını hiss edəcək, o dövrdəki dəhşətli hadisələrin şahidi olacaqsınız.