Kitabın xüsusiyyətləri

Təsvir

Səfəvilər dövlətinin banisi və ilk şahı, böyük Azərbaycan şairi Şah İsmayıl Xətainin ən məşhur əsərlərindən biri olan “Dəhnamə” (“On məktub”) bu kitabda oxucuya təqdim olunur. 1506-cı ildə Azərbaycan dilində qələmə alınmış bu əsər Azərbaycan ədəbiyyatında məsnəvi janrında yazılan ilk poemalardan biri hesab edilir. “Dəhnamə” sevgi, mənəviyyat, hikmət və insan ruhunun dərinlikləri haqqında on məktub şəklində qurulub. Xətai burada fəlsəfi düşüncə vasitəsi ilə oxucunu ilahi eşqin sirli dünyasına aparır. Bu nəşrdə ilk dəfə olaraq Şah İsmayıl Xətainin “Dəhnamə” və “Nəsihətnamə” əsərləri filoloji (nəsrlə) çevrilmə formasında təqdim edilir. Beləliklə, orijinal şeirlərin məzmun və gözəlliyi müasir Azərbaycan oxucusuna daha aydın şəkildə çatdırılır. Kitab əsasən xətaişünaslıqla məşğul olan mütəxəssislər, ali məktəb tələbələri və ümumilikdə geniş oxucu kütləsi üçün nəzərdə tutulub.