Kitabın xüsusiyyətləri

Təsvir

Əmrah Sərbəsin “Son qazıntı” romanı müəllifin “Hər təmas iz buraxır” romanının davamı kimi qiymətləndirilir. Cinayət Bürosunun baş komissarı Behzat Ç. sevdiyi işdən ayrıldığını elan edib. Amma əslində susmağı seçib. İndi hisslərini, fikirlərini yalnız jestlər, mimikalar və susqunluqla ifadə edir. Behzat Ç. həmkarları ilə Ankaranın altını üstünə çevirir. Şəhərin hər yerində qazıntı işləri gedir, yollar çəkilir, binalar tikilir, quyular qazılır. Amma bu qazıntılar təkcə tikinti ilə məhdudlaşmır. “Red Kit” ləqəbli cani şəhərin parklarında quyular qazır, öldürdüyü adamları tabuta qoyub həmin quyularda basdırır və özü də polisə xəbər verir. Bütün polis təşkilatı onu axtarsa da, ölümlərin ardı-arası kəsilmir. Behzat Ç. susmağı seçsə də, bu dəfə ondan qaçmaq o qədər də asan deyil. Bu kitab “Hər təmas iz buraxır” romanını oxuyanlar üçün seriyanın davamı kimi xüsusi maraq doğuracaq.