Kitabın xüsusiyyətləri

Təsvir

“XAN Nəşriyyatı”nın direktoru Səbuhi Şahmursoyun təşəbbüsü ilə ərsəyə gələn “Qırmızı kitab” cəmiyyətin sosial məsuliyyətinin artırılması, oxucuların yoxolma təhlükəsi ilə üzləşən canlılar barədə məlumatlandırılması baxımından ciddi əhəmiyyət kəsb edir. Geniş oxucu kütləsi üçün nəzərdə tutulan “Qırmızı kitab”, eyni zamanda zoologiya ilə maraqlanan şəxslər, bu sahə ilə məşğul olan mütəxəssislər, müəllimlər, tələbələr üçün də maraqlı mənbədir. Ensiklopedik araşdırmanın müəllifi biologiya üzrə fəlsəfə doktoru, dosent Səbinə Bünyatova, elmi redaktoru biologiya üzrə fəlsəfə doktoru, dosent Sara Əliyevadır. Ensiklopediyada nəsli kəsilməkdə olan 50 yerli, 50 beynəlxalq həşərat, quş və heyvan növü araşdırılıb, onların qorunması ilə bağlı ipucular verilib. Qeyd edək ki, topluda Beynəlxalq Təbiəti Mühafizə Birliyinin “Qırmızı siyahısı” və Azərbaycanın “Qırmızı kitabı” əsas mənbə kimi götürülüb.