Kitabın xüsusiyyətləri

Təsvir

Robert Bloxun “Psixo” romanı psixoloji triller janrının ən güclü əsərlərindən biri kimi qəbul edilir. İyirmidən artıq romanın və yüzlərlə hekayənin müəllifi, uğurlu kino-ssenarist və prestijli mükafatlar laureatı olan Blox bu əsərində oxucunu tamamilə fərqli dünyaya aparır. Kitabın baş qəhrəmanı Norman Beyts sadə, utancaq və nəzakətli gənc oğlandır. Lakin onun sakit görünən həyatının arxasında dəhşətli və qaranlıq sirrlər gizlənir. Blox bu romanında insan ruhunun ən qaranlıq, ən xəstə və ən qorxunc tərəflərini son dərəcə ustalıqla təsvir edir. “Psixo” nəinki ədəbiyyatda, həm də kinematoqrafiyada böyük iz buraxıb. Alfred Hiçkokun eyniadlı klassik filmi məhz bu roman əsasında çəkilib və müasir mədəniyyətdə “bədheybət” obrazının yeni simvolunu yaradıb. Blox sonradan bu qəhrəmana qayıdaraq trilogiya yazmaqla da məşhur olub.