Kitabın xüsusiyyətləri

Təsvir

Bu kitabda dünya ədəbiyyatının böyük ustası Edqar Allan Ponun iki mühüm hekayəsi yer alır. Məşhur “Mari Rojenin sirri” həvəskar xəfiyyə Ogüst Düpenin baş rolda olduğu, dünya detektiv ədəbiyyatının ilk hekayə nümunələri hesab olunan məşhur trilogiyanın ikinci hekayəsidir (bu trilogiyaya “Morq küçəsində qətl” və “Oğurlanmış məktub” adlı hekayələr də daxildir). Əsər Mari Roje adlı gənc qızın qətli ilə başlayır. Bir neçə gün sonra onun cəsədi çayda tapılır. Şəhərin polis idarəsi və jurnalistlər bu qətli araşdırır, lakin heç bir nəticə əldə edə bilmirlər. Məşhur həvəskar xəfiyyə Ogüst Düpen (Edqar Allan Ponun məşhur personajı) hadisəni yalnız qəzet məqalələri və şahid ifadələrini oxuyaraq araşdırır. O heç bir yerə getmədən, yalnız məntiqi təhlil yolu ilə qətlin sirrini açır. Həmçinin kitabda müəllifin detektiv və qorxu janrı elementlərini ustalıqla özündə birləşdirdiyi “Bunu edən kişi sənsən” hekayəsi də yer alır. Müəllifin öz təbiri ilə desək, bu hekayə “məntiqi novella”dır.