Kitabın xüsusiyyətləri

Təsvir

“Azərbaycan nağılları” silsiləsi uşaqları xalqımızın zəngin şifahi xalq ədəbiyyatı ilə tanış edir. Seriyada əsrlər boyu nəsildən-nəslə ötürülən nağıllar sadə və axıcı dillə təqdim olunur. Bu nağıllarda xalqımızın qədim dünyagörüşü, ümumiləşdirilmiş qəhrəman obrazları, xeyirlə şərin əbədi mübarizəsi, müdriklik, cəsarət və ədalət kimi mənəvi dəyərlər maraqlı hadisələr vasitəsilə oxuculara çatdırılır. Bu kitabda xalqımızın məşhur nağıllarından biri olan “Ləlin nağılı” yer alıb. Nağıl üç qardaşın atalarından miras qalan kiçik ləl daşı üstündə mübahisəsindən bəhs edir. Qardaşlar padşahın yanına gedərək ağılları və iti müşahidə qabiliyyətləri ilə maraqlı suallara cavab verirlər. Nağıl boyu uşaqlar ağılın və müşahidənin gücünü, həmçinin ədalətin qələbəsini görürlər. Kitabda əlavə olaraq “Balıqlar padşahı ilə Yaqubun nağılı” və “Ağ quşun nağılı” da verilib.